Þelamerkurskóli í Hörgársveit

Miðvikudaginn 16. maí fóru nemendur heim með könnun til foreldra. Könnunin er sú sama og foreldrar svöruðu í tölvu í janúar. Þau leiðu mistöku urðu að einungis fimm svör vistuðust svo nú á að reyna að koma svörum foreldra á blað og síðan í tölvu.

Könnunin er liður í innra mati skólans. Þar er m.a. verið að kanna hvort foreldrar sjá sér fært að aðstoða meira en áður í félagsstarfi nemenda, hvort þeir sjá fyrir sér breytingar á þjónustu mötuneytisins og hvort og þá hvernig þeir sækja og nýta sér upplýsingar frá skólanum.

Eitt eintak fór á hvert heimili og fór það heim með yngsta barninu. Könnuninni á að skila til umsjónarkennara í síðasta lagi föstudaginn 25. maí.

Skólakór Þelamerkurskóla heldur í kórferðalag sunnudaginn 20. maí. Þá er ferðinni heitið á Sauðárkrók. Þar hittir kórinn skólakór Árskóla á Sauðárkróki.

Fyrri part dagsins halda kórarnir sameiginlega æfingu og síðan halda þeir tónleika kl. 14:00. Tónleikarnir verða haldnir í sal Tónlistarskólans að Borgarflöt 1a. Tónleikarnir eru öllum opnir og gaman væri ef sem flestir sæju sér fært að koma til að hlusta á börnin. 

Nemendur mæta við Þelamerkurskóla kl. 8:20 og lagt verður af stað kl. 8:30. Þegar kórinn er kominn á Sauðárkrók kl. 10 er sameiginleg æfing og kl. 12:00 verður hádegisverður. Eftir það er frjáls leikur og lokaæfing fram að tónleikum.

Nemendur þurfa að hafa með sér: 

• sundföt 
• hressingu bæði til að borða um morguninn og einnig eftir sund og tónleika
• drykki með hressingunni og vatnsbrúsa því maður verður þyrstur á kóræfingum
• sundföt 

Þelamerkurskóli leggur til rútuna, hádegisverðinn og sundferðina. 

Haldið verður heim að lokinni sundferð kl. 16:30 og því geta foreldrar sótt börnin sín á planið við skólann kl. 18:00. 

Hér er bréfið sem fór heim með nemendum fyrr í vikunni.  

Í dag 18. maí eru nemendur 5. og 6. bekkjar við sveitastörf víða um sveitina. Nemendur fengu val um það hvar þeir vildu vinna þemavinnuna, heimasveitin. En hún felst í því að kynnast vorverkunum á bæjunum í sveitinni.

Sumir nemenda völdu að vera heima hjá sér en fleiri vildu fara á aðra bæi. Þeir sem eru heima tóku þá gjarnan á móti skólafélögum sínum og saman vinna þeir sveitastörf í dag. 

Bændur tóku því einstaklega vel að taka á móti nemendum og margir þeirra taka á móti tveimur eða fleiri. Verkefni af þessu tagi geta ekki tekist vel nema með jákvæðni og samvinnu við íbúa sveitarfélagsins. 

Nemendur 10. bekkjar eru þessa vikuna í starfskynningum á Akureyri. Nemendur fara á tvo vinnustaði í þrjá daga svo hver þierra nær að kynnast sex fyrirtækjum.

Á meðan hefur 9. bekkur verið á útiskólasvæði skólans, norðan við Laugaland. Þar hafa nemendur unnið að því að taka til á svæðinu, búa til ný leiktæki og gera við þau sem þegar eru þar. Þetta vinna nemendur undir stjórn Loga og Önnu Rósu umsjónarkennara sinna.