Þelamerkurskóli í Hörgársveit

Fréttir sem eru á forsíðunni

Föstudaginn 2. desember frá kl. 14:30-17:00 verður föndrað fyrir jólin í ÞelamerkurskólaÍ fyrra prófuðum við í fyrsta skiptið nýja tímasetningu á jólaföndrinu og mæltist hún vel fyrir. Því verður föndrað fyrir jólin kl. 14:30-17:00 þann 2. desember í Þelamekurskóla.  Foreldrar og aðrir velunnarar skólans geta komið þegar þeim hentar á tímabilinu 14:30-17:00. Föndurdagurinn er hugsaður sem opinn dagur í skólanum þar sem foreldrum gefst kostur á því að koma í skólann og eiga notalega og umfram allt jólalega stund með börnum sínum, öðrum foreldrum og starfsfólki skólans.Jólaföndrið hefst kl. 14:30 með því að við söfnumst saman niðri í tónmenntastofu (fyrrum myndmenntastofa). Þar verður endursýnt leikritið, Karlakórinn Þrymur. Leikendur eru drengirnir í 4., 5. og 6. bekk og leikstjórinn er Sigga Hulda tónmenntakennari skólans. Leikritið var frumsýnt í söng á sal þann 16. nóv. og vakti mikla lukku. Að því loknu syngjum við saman tvö jólalög og svo verður farið að föndra.   Eins og í fyrra verður föndrað á fimm stöðvum þennan dag; í smíðastofunni, í heimilisfræðistofunni og þremur skólastofum. Stjórn foreldrafélagsins hefur formlega dregið sig útúr jólaföndrinu en allir þeir sem vilja aðstoða okkur á sjálfan föndurdaginn geta verið í sambandi við okkur undirrituð.    Eins og fyrr er allt föndrið á hóflegu verði. Í upphafi föndursins fá nemendur skráningablað þar sem þeir skrá það sem þeir föndra og í lok dags verður blaðið notað til að gera upp efniskostnaðinn. Kynningu á föndrinu og verði þess verður hægt að skoða á myndasíðu skólans eftir að skóla lýkur fimmtudaginn 1. desember.  Frá klukkan 15:00 er hægt að kaupa heitt kakó með rjóma, vöfflur og smákökur í mötuneytinu. Sjálfboðaliðar úr hópi nemenda í 7. – 10. bekk sjá um þessa sölu ásamt starfsfólki mötuneytis. Allur ágóði af kakósölunni rennur til uppbyggingar á félagsaðstöðu nemenda. Fullorðnir og börn á grunnskólaaldri greiða 350 kr. fyrir kakó og meðlæti. Frítt er fyrir börn á leikskólaaldri. Frá klukkan 15:15 verða sjálfboðaliðar úr röðum 7.-10. bekkjar líka með barnagæslu (4 ára til 9 ára) (kubbar, spil og bækur) á bókasafninu og ganginum þar fyrir framan.   Þennan dag færist heimakstur nemenda til klukkan 17:00.  

Með bestu aðventukveðjum og von um að sem flestir sjái sér fært að koma og eiga notalega samveru með börnum sínum í skólanum.

Ingileif og Unnar

 

Ef veðurguðirnir verða okkur hliðhollir ætlum við að vera með útivistardag í skólanum miðvikudaginn 23. mars. Hægt er að velja um að fara skíði / bretti /gönguskíði / snjóþotum/tveimur jafnfljótum í Hlíðarfjall.  Við verðum með söng á sal í fyrsta tíma og nemendur fá síðan morgunmat. Lagt verður af stað frá skólanum kl. 9:40.

Nemendur borða nesti frá skólanum í hádeginu milli kl. 11:30 og 12:00.

Heimferð frá Hlíðarfjalli verður kl. 14:00  (stundvíslega) og nemendur komnir heim á venjulegum tíma. Boðið verður upp á skíðakennslu. Bæði svig- og gönguskíði.

Þeir sem ætla að vera eftir í fjallinu þurfa að koma með miða um það að heiman. Þeir nemendur sem þurfa að leigja sér skíði eða bretti þurfa sjálfir að greiða fyrir leiguna, en ekki lyftugjald í fjallið.

Fyrir þá sem þurfa að leigja skíði/bretti:

Leigan á skíðum og brettum í Hlíðarfjalli er 1.700 kr. -3.000 kr. pr. mann.  (fer eftir stærð). Síminn er 462-2280. Einnig er  hægt að leigja skíði og bretti hjá Vidda í Skíðaþjónustunni. Síminn þar er 462-1713. Leigan þar er 1.500 fyrir skíði og bretti.

Ef þú ætlar að leigja skíði eða bretti hjá Vidda er best að ganga frá því deginum áður.

Þessar lyftur verða opnar.

                               Töfrateppi    (fyrir algjöra byrjendur)

                                Auður    (sem er toglyfta frá stólalyftu og að hóteli)

                                Hólabraut    (toglyfta)

                                Fjarkinn     (stólalyfta)

Ef veður verður leiðinlegt þennan dag og hætt verður við ferðina verður að sjálfsögðu kennsla og nemendur koma þá með námsbækur

Kl. 7.00 um morguninn verður tilkynnt á heimasíðu skólans hvort farið verður í fjallið eða ekki

 

Dagskrá skólans fyrir marsmánuð er komin út. Að venju er skólastarfið lifandi og nóg að gera. Dagskrána getur þú lesið hér.