Fréttir

Við Þelamerkurskóla eru lausar til umsóknar tvær stöður umsjónarkennara. Óskað er eftir að ráða skipulagða, sveigjanlega og skapandi grunnskólakennara með mikla hæfni í samskiptum við börn. Umsjónarkennarinn vinnur í teymi með öðrum kennurum. Í skólanum eru 100 nemendur. Á yngsta stigi verður frá haustinu 2024 einn bekkur í hverjum árgangi og í 5.-10. bekk er samkennsla tveggja árganga. Í Þelamerkurskóla er starfað með markvissum hætti í anda skóla fyrir alla og þannig lögð rík áhersla á að búa öllum nemendum aðstæður til náms við hæfi hvers og eins, nokkuð sem krefst, samvinnu, sveigjanleika og lausnamiðaðrar hugsunar hjá öllu starfsfólki. Einkunnarorð skólans eru þroski, menntun og samkennd. Í skólanum er starfað eftir hugmyndafræði Jákvæðs aga og Byrjendalæsis. Skólinn er heilsueflandi skóli auk þess sem áhersla er lögð á útikennslu, rafræna kennsluhætti og skapandi starf.

Það var mikið um dýrðir fimmtudaginn 21. mars þegar árshátíð Þelamerkurskóla fór fram.

Árshátíð skólans verður haldin fimmtudaginn 21. mars 2024.

Útivistardagurinn okkar í Hlíðarfjalli þriðjudaginn 5. mars heppnaðist frábærlega.

Við fengum heldur betur frábært veður í Hlíðarfjalli í síðustu viku þegar árlegi skíðaskóli 1.-4. bekkjar fór fram.

Það var ansi kátt í skólanum í dag og mikil spenna í loftinu þegar alls kyns verur, dýr og persónur mættu í skólann í morgun.

2. og 4 bekkur kynntust grímugerð víðsvegar að úr heiminum og útbjuggu sína eigin grímu.

Þann 26.janúar síðastliðinn héldu nemendur 6. bekkjar í Þelamerkurskóla þorrablót og buðu nemendum í 1.-5.bekk á skemmtunina.

Dvalarheimilið Hlíð á Akureyri setti upp verkefni á Barnamenningarhátíðinni sem þau kalla ,,Barnaleikir fyrr og nú“. Í verkefninu bjóða íbúðar Hlíðar nemendum í 2.bekk í heimsókn. Anna Rós og nemendur í 2. bekk nýttu þetta góða boð og skelltu sér í bæjarferð. Í heimsókninni sögðu íbúar frá leikjum sem þau léku sér í sem börn, nemendur fengu að skoða allskonar leikföng og spjalla við íbúa og notendur um leiki. Þau luku heimsókninni með söng og hressingu. Þetta var góð stund og eru myndir frá þessum viðburði inn á facebook síðunni Heilsuvernd hjúkrunarheimili. Þegar farið er í kaupstað er venjan að nýta ferðina og var því auk heimsóknarinnar farið í álfaleit í Lystigarðinum, en í Byrjendalæsisvinnu í skólanum er verið að vinna með Dísu ljósálf og álfaþema. Það var mjög gaman að ganga um garðinn í morgunrökkrinu. Fallegar seríur lýsa upp garðinn og gefa honum ævintýralegan blæ. Nemendur sáu að sjálfsögðu álfa á stangli.