Föstudaginn 21. febrúar er dagur Davíðs Stefánssonar í Þelamerkurskóla. Þá er hefð fyrir því að nemendur 8. bekkjar haldi utan um stutta dagskrá í matsal skólans í hádeginu.
Að þessu sinni kynntu nemendur ævi hans og störf stuttlega og síðan spilaðu Eva Margrét Árnadóttir nemandi í 8. bekk og kennari hennar Vaclav á harmonikkur undir fjöldasöng. Nemendur og starfsfólk sungu Slá hörpu mína og Kvæðið um litlu Gunnu og litla Jón. Allir tóku kröftuglega undir í söngnum. Það var greinilegt að tónmenntakennslan, vikulegur söngur á sal og kórastarfið er farið að skila sér í almennum söng nemenda.
Í þessu albúmi eru myndir frá dagskránni 21. febrúar sl.
