Föstudaginn 12. september fengum við heimsókn á bílaplanið okkar. Þar voru á ferðinni rúmlega 60 fornbílar sem fóru framhjá skólanum í svokölluðu fornbílaralli.
Flestir bílanna komu við á planinu og sviguðu í kringum keilur sem þar hafði verið komið fyrir. Óhætt er að segja að sjaldan hafi jafn margar glæsikerrur látið ýskra í hjólbörðum sínum svo snemma dags í Hörgárdal. Heimsóknin vakti bæði aðdáun og kátínu þeirra sem horfðu á kúnstir ökumanna. Og margir ökumanna höfðu greinilega gaman að því að sýna fararskjóta sína og ökuleikni.
