Efni
Gásir
Gásir við Eyjafjörð eru einstakur staður 11 km norðan við Akureyri. Hvergi á Íslandi eru varðveittar jafnmiklar mannvistarleifar frá verslunarstað frá miðöldum.
Gásir voru helsti verslunarstaður á Norðurlandi á miðöldum og er staðarins víða getið í fornritum frá 13. og 14. öld. Fornleifarannsóknir undanfarin ár hafa sýnt fram á að verslun á staðnum hafi staðið allt fram á 16. öld jafnvel þar til verslun hófst á Akureyri.
Gásaverkefnið er á ábyrgð Hörgárbyggðar, Minjasafnins á Akureyri og Akureyrarbæjar. Verkefnisstjóri þess er Kristín Sóley Björnsdóttir. Netfang hennar er ksb@akmus.is. Fyrir þá sem áhuga hafa á að kynna sér þetta verkefni er bent heimasíðu verkefnisins (texti fenginn að láni hjá heimasíðu verkefnisins).
