Efni
Skólinn og skáldin
Á upptökusvæði skólans allt frá Fagraskógi og fram dalina, Hörgárdal og Öxnadal er að finna bernskuspor margra skálda. Skáldin sem skólinn nýtir sér helst í starfi sínu eru Davíð Stefánsson frá Fagraskógi og Jónas Hallgrímsson sem fæddist að Hrauni í Öxnadal.
Skáldanna og verka þeirra er minnst á hverju ári. Dagur íslenskrar tungu er haldinn hátíðlegur þann 16. nóvember sem er fæðingadagur Jónasar Hallgrímssonar og einnig er flutt dagskrá á fæðingardegi Davíðs Stefánssonar.
Menningarfélagið Hraun í Öxnadal opnaði Jónasarstofu á 200 ára fæðingarafmæli Jónasar Hallgrímssonar. Jónasarstofa er staðsett að Hrauni og þar hefur verið komið fyrir sýningu sem gefur yfirsýn yfir ævi og störf skáldsins. Þelamerkurskóli bindur við það vonir og mun leggja sitt af mörkum til að samvinna verði að föstum lið í starfsemi Menningarfélgasins og starfi skólans.
