Efni
Iðjuþjálfun
Í Þelamerkurskóla erum við stolt af því að hjá okkur starfar fjölbreyttur hópur starfsfólks og þar á meðal er iðjuþjálfi í fullu starfi.
Í Þelamerkurskóla lítum við svo á að ef starfsmannahópurinn á að vera undir það búinn að bjóða nemendum sínum fjölbreytt og sveigjanlegt nám þá þurfi starfsmannahópurinn einnig að vera fjölbreyttur. Iðjuþjálfi skólans er hluti af sérkennsluteymi skólans. Starfssvið hans er að styðja bæði við einstaka nemendur, námshópa og einnig að styðja kennara í starfi með ráðgjöf og eftirfylgni í einstökum málum er varða bæði einstaklinga og námshópa.
Á ráðstefnu um lífsleikni sem haldin var í húsnæði menntavísindasviðs Háskóla Íslands í Stakkahlíð (áður Kennaraháskóli Íslands) þann 1. nóvember 2008 kynnti iðjuþjálfi skólans starf sitt og skólastjóri hélt stutt erindi um mikilvægi þess að grunnskólinn hefði á að skipa fjölbreyttum hópi starfsfólks. Þar kom fram að hugmyndafræði iðjuþjálfunarinnar og námskrá lífsleikninnar skarast að mörgu leyti.
Hér er erindi skólastjóra. Og hér er erindi iðjuþjálfans, Sigríðar Guðmundsdóttur.
