Efni
Möðruvellir
Möðruvellir í Hörgárdal er fornt frægðasetur og höfuðból. Þar var klaustur í kaþólskum tíma og síðar amtmannssetur og gagnfræðaskóli. Nú er þar prestssetur og tilraunabú Landbúnaðarháskólans á Hvanneyri. Leikhús Möðruvallaskóla hefur verið gert upp og í því er safnaðarheimili kirkjunnar og fundaraðstaða fyrir einstaklinga og félög. Möguleikar nýtingar Leikhússins koma vel fram í yfirliti yfir viðburðina sem þar fóru fram á árinu 2007. Það er hægt að skoða með því að smella hér.
Gott samstarf er milli Möðruvallarkirkju og Þelamerkurskóla.
Sóknarpresturinn sr. Solveig Lára Guðmundsdóttir og eiginmaður hennar sr. Gylfi Jónsson heimsækja skólann einu sinni í viku og oftar ef óskað er. Í vikulegum heimsóknum sóknarprests eru samverustundir með 1. og 2. bekk, 3. og 4. bekk og 5. og 6. bekk. Í þeim samverustundum er notað barnaefni sem gefið er út af kirkjunni. Fermingarstarf fer fram utan skólatíma bæði í húsnæði Þelamerkuskóla og í Leikhúsinu að Möðruvöllum.
