Efni
Nemendaráð og félagsstarf
Félagslíf nemenda nemendaráð
Í námskrá skólans er lögð áhersla á það að nemendur taki þátt í að móta eigið starfsumhverfi, félagslíf og menningarlíf. Nemendaráð starfar við skólann og er skipað fjórum nemendum úr 8. - 10. bekk. Helstu verkefni nemendaráðs eru á vettvangi félagsmála og er skipulag félagsstarfsins á elsta stiginu að mestu í þeirra höndum. Lögð verður áhersla á frumkvæði og markviss vinnubrögð, að fundir verði markvissir og skilvirkir.
Eftirtaldir nemendur skipa nemendaráð sem kosið er til eins árs í senn:
8. bekkur...........................
9. bekkur...........................
10. bekkur........................
10. bekkur........................
Verslunarstjórar Dúddabúðar eru:
Verslunarstjórar sjá um innkaup fyrir sjoppuna og halda utan um rekstur hennar.
Innkaup eru gerð í samráði við umsjónarmann félagslífs. Einnig er það á ábyrgð sjoppustjóra að skipuleggja vinnutöflu fyrir sjoppuna.
Umsjónarkennarar bera ábyrgð á félagslífi sinna bekkja og koma til aðstoðar-skólastjóra sinni áætlun um félagstarf fyrir síðasta kennarafund sem haldinn er í hverjum mánuði.
Umsjónarmaður félagslífs 8. - 10. bekkjar er Logi Ásbjörnsson
Logi vinnur ásamt aðstoðarskólastjóra, nemendaráði og umsjónarkennurum að áætlunum um félagsstarf hvers mánaðar. Lögð er áhersla á það að bekkir vandi undirbúning skemmtana á vegum skólans.
Fundir með nemendaráði eru haldnir reglulega. Um það sem viðkemur félagsstarfi fundar nemendaráð með umsjónarmanni félagaslífs í samráði við aðstoðarskólastjóra.
Anna Rósa Friðriksdóttir umsjónarkennari 10. bekkjar er umsjónarmaður fjáröflunar og er ábyrg fyrir varðveislu ferðasjóðsins. Anna Rósa fer með skipulag fjáröflunar og vinnur í samráði við nemendur og foreldra.
Athugið:
Klúbbar og SAM-skólaböll eru eingöngu ætluð nemendum Þelamerkurskóla.
Nemendur geta fengið leyfi hjá umsjónarmanni (þ.e. kennari sem er á vakt skv. dagskrá ÞMS) til að bjóða vini með sér á ball eða opið hús sem haldið er í skólanum.
Þeir gestir sem ekki hafa fengið leyfi hjá umsjónarmanni skemmtunarinnar fá ekki að fara inn á skemmtunina.
Félagslíf 1. - 4. bekkjar:
Félagslíf yngsta stigs byggist mikið á þátttöku foreldra og stendur og fellur með því hvernig til tekst að virkja þá.
Ein skipulögð dagskrá á vegum skólans verður í hverjum mánuði.
Nemendum þessa stigs er einu sinni til tvisvar á skólaárinu boðið upp á leikrit frá farandleikhúsum auk ýmissa íþróttaviðburða. Einnig mun Solveig Lára Guðmundsdóttir sóknarprestur verða með æskulýðsstarf hjá þessum bekkjum á fimmtudögum í vetur.
Félagslíf 5. - 7. bekkjar:
Ein skipulögð dagskrá á mánuði verður hjá þessum bekkjum í vetur.
Einnig fær 7. bekkur að fara á SAM-skólaböll sem verða fjögur í vetur. (sjá neðar)
Sólveig Lára Guðmundsdóttir sóknarprestur verður einnig með æskulýðsstarf á miðstiginu.
Félagslíf miðstigsins kallar á þátttöku foreldra í samvinnu við umsjónarkennara.
Félagslíf 8. - 10. bekkjar:
Í vetur er skipulagður einn viðburður í mánuði. Þann mánuð sem SAM-skólaball er skipulagt er ekki skólaball nema eitthvað sérstakt komi til.
Skólaböll og SAM-skólaböll og annað félagsstarf verður á föstudögum og stendur frá 20:00 -22:30. Klúbbar og opin hús eru þó frá kl. 20:00 - 22:00
Umræðukvöld Solveigar Láru sóknarprests verða einu sinni í mánuði hjá 9. og 10. bekk.
Á umræðukvöldunum er rætt um lífið og tilveruna en mest áhersla lögð á forvarnarstarf.
SAM-skólasamstarf.
Fyrsta SAM-skólaballið verður haldið á Grenivík föstudaginn 19. september.
Næsta SAM-skólaball verður síðan haldið í Valsárskóla föstudaginn 7. nóvemver.
Ball númer þrjú verður í Þelamerkurskóla föstudaginn 6. febrúar 2009. Síðasta SAM-skólaballið er síðan á Stórutjörnum föstudaginn 17. apríl.
Eins og undanfarin ár verða íþróttadagar SAM-skólanna í vetur. Fyrsta mótið verður haldið á Stórutjörnum fimmtudaginn 23. október. Þar koma saman nemendur í 5. og 6. bekkjum SAM-skólanna. Næsti íþróttaviðburður verður síðan hjá 9. - 10. bekk þriðjudaginn 17. feb. í Valsárskóla.
SAM-skólaíþróttadagur 7. og 8. bekkjar verður síðan miðvikudaginn 18. mars í Þelamerkurskóla.
Annað samstarf verður einnig, t.d. er verið að tala um nemendaheimsóknir og fl.
SAM-skólaviðburðir eru eingöngu ætlaðir nemendum SAM-skólanna.
