Efni
Þróunarverkefni
Allri starfsemi er hollt að vera í sífellri skoðun og þróun og eru skólar þar engin undantekning. Starfsfólk Þelamerkurskóla lítur svo á að innra mat skólans sé grundvöllur umbótastarfs skólans og að markmið þess starfs sé að gera góða starfsemi skólans enn betri.
Þróunarverkefni Þelamerkurskóla um þessar mundir leggja megináherslu á að setja starf skólans, hefðir hans og venjur í ákveðna ramma til þess að allir sem að starfinu koma verði sér meðvitaðir um að hverju er stefnt með starfi skólans.
Námsmappan er ein af leiðum skólans til að auka ábyrgð nemenda á þeirra eigin námi og til að gera nemendur meðvitaða um eigin námsframvindu.
Smiðjur nemenda er ein af leiðum skólans til að auka vægi list- og verkgreina í starfi skólans. Þær fóru af stað á haustönn 2008.
Á haustönn 2008 hóf Þelamerkurskóli innleiðingu áætlun Olweusar gegn einelti.
Grænfáninn er það verkefni skólans sem komið er hvað skemmst á veg og vinnur stýrihópur þess verkefnis að því að móta fyrstu skref verkefnisins.
