Á ART námskeiði

Sigga æfir sig

Anna Rósa og Sigga iðjuþjálfi eru þessa dagana á ART réttindanámskeiði á Dalvík, en ART stendur fyrir Aggression Replacement Training sem er aðferð til að aðstoða börn og ungmenni að draga úr erfiðri hegðun og átta sig á að hegðun á sér margvíslegar orsakir.

ART byggir á þremur þáttum: félagsfærniþjálfun, reiðistjórnun og eflingu siðgæðisþroska. Á námskeiðinu hafa þær m.a. æft sig í að skipuleggja kennslustundir og taka nemendur í félagsfærniþjálfun með verkfærum ART. Námskeiðið er afar gagnlegt en til þess að öðlast ART þjálfararéttindin munu Anna Rósa og Sigga taka nemendahóp í 12 vikna grunnþjálfun þrisvar í viku.