Aðalfundur foreldrafélagsins fimmtudaginn 10. nóv. kl. 19.00. Súpa og fræðsluerindi um börn og samfélagsmiðla.

Kæru foreldrar/forráðamenn

Við ætlum að gera aðra tilraun til að halda aðalfund foreldrafélags Þelamerkurskóla fimmtudaginn 10. nóvember kl. 19. Boðið verður upp á súpu og brauð í stofu 4, venjuleg aðalfundarstörf og endum á fræðsluerindi frá Skúla B. Geirdal verkefnastjóra fjölmiðlanefndar.

Erindið fjallar um :
Hvað gera börn og ungmenni á samfélagsmiðlum?
Í fyrirlestrinum er farið yfir helstu niðurstöður úr víðtækri rannsókn á stafrænu umhverfi barna á Íslandi sem nefnist "Börn og netmiðlar."
Helstu efnistök: Vinsælustu samfélagsmiðlarnir, aldurstakmörk og ástæður fyrir þeim, tækjaeign, nethegðun, deiling nektarmynda, klám, öryggi á netinu og tölvuleikir.
Við hvetjum alla foreldra að mæta og missa ekki af þessu mikilvæga erindi og taka þátt í starfi félagsins.

Bestu kveðjur
Stjórn foreldrafélags Þelamerkurskóla