Börnin bjarga - Kennsla í endurlífgun hjá 6. og 7. bekk

Í síðustu viku fengu 6. - 7. bekkur skólans kennslu í endurlífgun. Susanne skólahjúkrunarfræðingur sá um kennsluna ásamt öðrum hjúkrunarfræðingi. 

Í bréfi sem skólinn fékk stendur m.a. að undanfarið ár hafi verið í undirbúningi að innleiða verkefnið „Börnin bjarga“ í heilsuvernd skólabarna. Verkefnið gengur út á að kenna nemendum í 6. – 10. bekk markvisst og árlega endurlífgun. Kennslan er í formi fyrirlesturs og verklegrar kennslu með einföldum endurlífgunardúkkum.

Þetta verkefni er hluti af átakinu Kids save lives, sem Endurlífgunarráð Evrópu (ERC) og Alþjóða heilbrigðismálastofnunin (WHO), settu af stað í þeim tilgangi að hvetja allar þjóðir heims til þess að innleiða endurlífgunarkennslu meðal grunnskólanema.  Rannsóknir sýna að slík kennsla eykur fjölda þátttakenda í endurlífgun umtalsvert og bætir lífslíkur í kjölfar hjartastopps utan spítala svo um munar.

 Hér eru myndir frá námskeiðinu.