Góðverkavikan

Skátahreyfingin á Íslandi hefur á undanförnum árum staðið fyrir Góðverkadögunum um land allt undir yfirskriftinni Góðverk dagsins. 

Góðverkadagarnir eru skemmtileg útfærsla á aldagamalli hefð og loforði skáta um að gera að minnsta kosti eitt góðverk á dag. Hugmyndin er að árlega verði haldnir sérstakir góðverkadagar með virkri þátttöku allra landsmanna. 

Á heimasíðunni www.godverkin.is eru allar upplýsingar um Góðverkadagana og þar er líka góðverkadagbókin. Á heimasíðunni geta allir skráð sín eigin góðverk og góðverk sem þeir hafa orðið vitni að. Einng er hægt að fylgjast með Góðverkadögunum á Facebook síðunni Góðverk gleðja. 

Þelamerkurskóli er þátttakandi í Góðverkavikunni og á næstu dögum verður gaman að fylgjast með útfærslu kennara og nemenda á þátttökunni.