Hænur í vist - Frétt frá umhverfisnefndinni
Við höfum fengið sex nýjar hænur í vistun til okkar í skólann. Það eru þær Litla Gæf, Kola, Mjallhvít, Litla Hvít, Ósk og Snjóey. Við bjóðum þær velkomnar í hópinn. Þessar nýju hænur koma úr góðri ræktun og sagðar vera einstaklega geðgóðar og verpa vel yfir meðallagi að sögn bóndans í Auðbrekku. Fyrir eru fjórar stórar og vel aldar hænur í kofanum. Þær hafa lofað að taka vel á móti þeim yngri. Það voru brosmild og spennt börn í mílunni sem sáu hvað var um að vera og hlakka til gauka að þeim sniglum, ormum og öðru góðgæti. Hænurnar eru samstarfsverkefni milli okkar og tveggja heimila. Fjölskyldan á Laugalandi hefur séð um hænurnar um helgar, á tyllidögum og yfir sumartímann. Þær nýju eru samstarfsverkefni með fjölskyldunni í Auðbrekku og munu þær fara heim til sín yfir sumartímann. Nemendur í umhverfisráði sjá um hænurnar og bera ábyrgð á þeim ásamt fullorðna fólkinu í nefndinni. Þau geta síðan boðið öðrum í námshópunum að koma með sér.
Hænurnar lita skólabraginn lífi, gaggi og fjölbreytni í skólastarfinu. Hér eru myndir frá afhendingunni.