Hlaupið tókst vel
30.09.2013
Helgi Pétur fór 10 km
Eins og vant er stóðu nemendur sig með stakri prýði í Norræna skólahlaupinu í morgun. Veðrið var milt en ýmist súld eða rigning. Það gerði lítið til því rúturnar ferjuðu nemendur aftur í skólann að loknu hlaupi og allir gátu farið í sund, heitan pott og sturtu í Jónasarlaug þegar þangað var komið. Eftir það var hádegismatur og síðan gátu nemendur látið líða úr sér með því að lesa í yndislestrarbókinni sinni.
Það voru 72 nemendur sem fóru samtals 380 km.
- 23 nemendur fóru 2,5 km
- 36 nemendur fóru 5 km
- 13 nemendur fóru 10 km
- Skólastjórinn fór 10 km
- 3 kennarar fóru 2,5 km
Eftir hádegið var svo kennt samkvæmt stundaskrá. Hér eru nokkrar myndir frá hlaupinu. Fleiri myndir koma seinna.