Jóga í hverri viku

Litlu krakkarnir sögðust hafa gert tréð í jóga

Í dag, miðvikudaginn 13. janúar, byrjaði jógakennsla í skólanum. Nemendur 1.-7. bekkjar fara í jóga í stað danstímanna sem voru hjá Ingu Möggu á haustönninni. 

Jógakennarinn heitir Gerður Ósk Hjaltadóttir og hefur áður kennt krökkunum okkar jóga í smiðjum. Það var ekki annað að heyra á henni og nemendum eftir daginn í dag en að kennslan hafi gengið vel. 

Áformað er að jógakennslan verði í boði alla vorönnina.