Jólaljósadagurinn 9. janúar 2026

Gleðilegt nýtt ár og kærar þakkir fyrir allar frábæru stundirnar á árinu sem nú er liðið. Við enduðum fyrstu skólaviku ársins á að fara upp í hlíðina fyrir ofan skólann og kveiktum á friðarkertum þar sem við náðum ekki að gera það fyrir jól sökum snjóleysis. Lögreglan mætti á svæðið og tryggði öryggi okkar með því að stöðva umferð í báðar áttir. Við mælum með að þið gerið ykkur ferð í myrkrinu að sjá ljósin frá okkur sem lýsa upp hlíðina. Yndislegt veður, hjálpsöm, glöð og góð börn og öll fengu kakó og kringlur að lokinni ljósastund

Megi árið 2026 vera ykkur ljúft og gott. Hérna eru myndir.