Stóra upplestrarhátíðin í 7. bekk.

Stóra upplestrarhátíðin í 7. bekk.

 Í dag var Stóra upplestrarhátíð 7. bekkinga í Þelamerkurskóla haldin. Nemendur 7. bekkjar höfðu æft sig vel fyrir hátíðina að undanförnu og fluttu bæði ljóð og sögu fyrir nemendur skólans og aðra gesti. Það voru þau Dagur Snær Agnarsson og Rakel Eva Vilhjálmsdóttir sem voru valin af dómnefnd til að keppa fyrir hönd skólans á lokahátíð Stóru upplestrarhátíðarinnar fyrir skóla við Eyjafjörð. Til vara eru París Anna Hilmisdóttir og Víkingur Tristan V. Hreinsson.  Lokahátíðin verður haldin fimmtudaginn 28. apríl í Tjarnaborg á Ólafsfirði. Við viljum nota tækifærið og þakka 7. bekkingum sérstaklega fyrir þeirra þátttöku á hátíðinni í dag og óska þeim öllum til hamingju með góðan árangur.

Dómnefndina skipuðu Arnar Arngrímsson, Sigurlaug Indriðadóttir Unnardóttir og Margrét Sverrisdóttir. Auk upplestrar hlýddum við á bæði tónlistarflutning og söng. Styrmir Ísak spilaði á gítar, Brynjar Logi söng og Hjördís Emma og Tinna Margrét spiluðu á harmonikku og þökkum við þeim öllum fyrir þeirra góða framlag.  

Hér má sjá myndir frá hátíðinni.