Takk fyrir komuna á skólasetninguna

Fjölmenn skólasetning fór fram á útiskólasvæðinu okkar í Mörkinni í blíðskaparveðri. Í ár eru 108 nemendur innritaðir í Þelamerkurskóla en nemendafjöldi hefur ekki farið yfir hundrað í aldarfjórðung þannig að um ansi merkileg tímamót er að ræða. Við hlökkum mikið til samstarfsins í vetur og þökkum ykkur kærlega fyrir komuna á skólasetninguna. Það var gott að sjá brosandi andlit nemenda og foreldra. 

Kennsla hefst skv. stundatöflu mánudaginn 25. ágúst. Tímatöflur skólabíla eru komnar á heimasíðuna.