Þorrablót í boði 6. bekkjar

6. bekkingar buðu 1.-5. bekk og starfsfólki á þorrablót í dag, á sjálfan bóndadaginn. Nemendur höfðu staðið í ströngu við að undirbúa  þorrablótið ásamt Margréti umsjónarkennara þeirra. Þau röðuðu upp í matsal fyrir þorrablótið, stýrðu fjöldasöng og fóru með gamanmál. Boðið var upp á þorramat, laufabrauð sem nemendur skáru og steiktu fyrir jólin ásamt mjólkurgraut. Að lokinni dagskrá í matsalnum  buðu 6. bekkingar nemendum upp í sal þar sem farið var í sígilda skyrleikinn og fylgdi honum mikill hlátur að venju! Við þökkum 6. bekk og Margréti kærlega fyrir góða dagskrá og hér má sjá myndir frá þorrablótinu.