Vettvangsferð í skólanum föstudaginn 1. nóvember.

Gömul mynd af Skipalóni

Nemendur skólans hafa undanfarnar vikur verið að horfa á þættina um þá bræður Nonna og Manna.  Vikuna 11. - 15. nóvember verður síðan þemavika um Nonna og Manna í skólanum sem endar á opnu húsi þar sem foreldrar/forráðamenn og aðrir velunnarar skólans geta komið og skoðað afrakstur þemavinnunnar. 

Aðfari að þemavikunni er meðal annars vettvangsferð sem farin verður föstudaginn 1. nóvember. Dagskrá ferðarinnar er eftirfarandi:

Nemendur mæta í skólann á venjulegum tíma og byrja á því að fá sér morgunmat. Klukkan 8.40 verður síðan lagt af stað frá skólanum og ekið að Minjasafninu á Akureyri.  Starfsmenn Minjasafnsins taka á móti okkur kl. 9.00.  Stöðvarnar sem nemendur skoða eru þrjár og er miðað er við að hver stöð taki um 20-30 mínútur. 

Stöðvarnar eru: 

• Nonnahús 

• Sýning inni á Minjasafninu 

• Útisvæðið og Minjasafnskirkjan

Klukkan 10.30 er síðan farið af stað út í Laufás og munum við borða nesti þar. Nemendur skoða Laufás í sínum hópum og hver hópur ætti að vera um 10-15 mín að skoða.  Hinir hóparnir leika sér úti á meðan, skoða jafnvel Laufáskirkju og þá hluta bæjarins sem eru „úti“, skemmuna og smiðjuna.

Heimkoma að skóla um það bil sem hádegismatur hefst og heimferð verður á venjulegum föstudagstíma eða kl. 12.50.