Fréttir

Mánudaginn 27. maí eru hinir árlegu Þelamerkurleikar. Þá keppa nemendur sín á milli bæði í óhefðbundnum og hefðbundnum íþróttagreinum eins og tröppuhlaupi, stinger, sterkasta stelpan og sterkasti strákurinn, boltakasti, langhlaupi, spretthlaupi og stígvélakasti.

Í tilefni af síðasta kennsludegi sem er miðvikudaginn 29. maí, ætlar starfsfólk skólans að vera með skipulagða dagskrá fyrir nemendur.

Kennarar tónlistarskóla Eyjafjarðar kíktu í heimsókn til nemenda skólans í dag.

Fimmtudaginn 9. maí bauð 9. bekkur til skemmtunar og matarveislu í skólanum - myndir

Nemendur Þelamerkurskóla fjölmenntu með foreldrum sínum í 1. maí hlaupið sem haldið var á Þórsvellinum á Akureyri sl. miðvikudag. Það var yndislegt að sjá þessa duglegu krakka og foreldra þeirra hlaupa sem vindurinn og uppskera bæði verðlaun í einstaklingsflokkum og svo sjálfu skólaverðlaunin, en þau eru veitt þeim skóla sem er með hlutfallslega flesta þátttakendur. Til hamingju krakkar og foreldrar! Smelltu á fréttina til að sjá myndir.

Í útiskóla hjá 1.-4. bekk sl. miðvikudag var farið í fallegu sundlaugina okkar hér í Þelamörk. Nemendum var skipt upp í þrjá hópa sem fóru á milli jafn margra stöðva. Í rennibrautarlauginni voru nemendur í floti undir handleiðslu Guðrúnar og Önnu Þóru, í busllauginni var yndislestur og spil undir handleiðslu Önnu Rósar og í sundlauginni var spilaður handbolti með Rögnu. Smellið á fréttina til að sjá myndir.

Gunnar Helgason rithöfundur kom í heimsókn og las upp úr nýjustu bók sinni Barist í Barcelona fyrir nemendur skólans.

Í marsmánuði fóru yngri nemendur skólans í skíðaskóla í Hlíðarfjalli þar sem kennarar komu sumum frá því að hafa aldrei stigið á skíði yfir í að renna sér óhikað í stærri brekkum og styrktu aðra í að verða enn öruggari til að geta farið yfir í stærri lyftur og enn brattari brekkur. Skíðaskólinn er frábært framtak sem gerir það að verkum að á útivistardegi skólans er góð mæting hjá nemendum og allir nemendur eru sjálfbjarga í lyftum og brekkum.

Fimmtudaginn 21. mars var Stóra upplestrarkeppnin haldin í Menntaskólanum á Akureyri. Fulltrúar Þelamerkurskóla voru þau Elín Bára Wilkinson Jónsdóttir frá Ytri-Bakka og Jónatan Smári Guðmundsson frá Auðbrekku nemendur í 7. bekk. Þau stóðu sig mjög vel og við erum virkilega stolt af þeim.