Fréttir

Í síðustu viku var sérstök hreyfivika í skólanum sem fól það í sér að á hverjum degi var brostið í dans í öllum kennslustofum undir handleiðslu Just dance myndbanda. Í dag söfnuðust allir nemendur og starfsfólk svo saman í íþróttahúsinu og dönsuðu eins og fagmenn, stórir sem smáir. Við hvetjum alla til að horfa til enda því það koma mögnuð atriði undir lokin!

Í vetur var ákveðið að bjóða upp á Hönnun og tækni sem valgrein fyrir nemendur í 7.-10. bekk og erum við samhliða því að byggja upp hönnunar og tæknistofu sem smátt og smátt er að verða vel tækjum búin. Í vali í dag voru nemendur að setja saman Róbox vélmenni sem kenna krökkum forritun, rafmagnsfræði, tækni og vísindi á skemmtilegan og skapandi hátt.

Nemendur á unglingastigi eru að vinna með fréttir þessa dagana og næstu vikurnar munu þeir skrifa fréttir til að setja á heimasíðuna okkar. Smellið á fréttina til að sjá þá fyrstu, sem er frá þeim Auði og Margréti í 9. bekk

Nemendur í 8.-10. bekk áttu magnaðan dag við Hörgá sl. fimmtudag þar sem þeir ásamt sérlegum aðstoðarmönnum renndu fyrir fisk. Reyndar náðust ekki margir á land, en útivistin var vel þess virði, rjómablíða og huggulegheit. Smellið á fréttina til að sjá myndir.

Við minnum alla á að koma klædda eftir veðri til að þeir njóti útivistarinnar sem best. Hjól þurfa að vera í góðu standi og allir passa uppá að búa sig eins og hæfir þeirri ferð sem þeir fara í. Nestisboxin þurfa að vera rúmgóð til að geta hýst allt góða nestið sem er í boði, vatnsbrúsi er nauðsynlegur og síðast en ekki síst getur góða skapið og brosið gert góðan dag enn betri.

Þelamerkurskóli verður settur á útiskólasvæðinu okkar í Mörkinni fimmtudaginn 22. ágúst kl. 14. Skólaakstur. Að lokinni setningu fara nemendur inn í skóla með umsjónarkennurum sínum. Við hlökkum til að sjá ykkur öll!

Þelamerkurskóla var slitið miðvikudaginn 29. maí í Hlíðarbæ. Þá fengu nemendur vitnisburði vetrarins, 12 nemendur 10. bekkjar voru brautskráðir og 2 nemendur 1. bekkjar voru boðnir velkomnir í skólann.

Eins og hefð er fyrir í ÞMS halda nemendur, foreldrar og starfsmenn skólans vorhátíð síðasta skóladag. Þá skemmta menn sér saman í íþróttahúsinu, í sundlauginni og á skólalóðinni

Þriðjudaginn 28. maí er umhverfisdagur í skólanum. Þá var nemendum skipt í hópa og þeir fara á milli stöðva til að vinna mismunandi verkefni.