Námi og öðru starfi skólans er ætlað að stuðla að alhliða þroska nemendanna út frá forsendum og hæfileikum hvers og eins. Skólastarfið miðast við að stuðla jafnt að tilfinningalegum og félagslegum þroska sem vitsmunalegum. Leiðarljós skólans er að á skólagöngu sinni í Þelamerkurskóla öðlist nemendur jákvæða sjálfsmynd og verði kunnáttusamir námsmenn fyrir lífið.
Meðal fjölbreyttra kennsluhátta skólans eru rafrænir kennsluhættir. Skólinn er vel tækjum búinn og kennarar skólans leggja sig fram um að fylgjast vel með þróun rafrænna kennsluhátta.
Grænfáninn er alþjóðlegt umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum. Þelamerkurskóli hefur flaggað grænfánanum í þrjú skipti. Næstu skref eru m.a. þátttaka í vistheimtarverkefni Landverndar sem og í alþjóðlegu Erasmusverkefni um lífbreytileika.
Í Þelamerkurskóla er löng hefð fyrir útiskóla enda er skólinn vel í sveit settur fyrir útikennslu. Útikennslunni er skipt í þrjú þemu, hluti af námsgreinum, grenndarkennsla og hreyfing er afþreying. Innan hvers þema eru svo verkefni sem nemendur vinna að á skólaárinu.
