Fréttir

Þann 26.janúar síðastliðinn héldu nemendur 6. bekkjar í Þelamerkurskóla þorrablót og buðu nemendum í 1.-5.bekk á skemmtunina.

Dvalarheimilið Hlíð á Akureyri setti upp verkefni á Barnamenningarhátíðinni sem þau kalla ,,Barnaleikir fyrr og nú“. Í verkefninu bjóða íbúðar Hlíðar nemendum í 2.bekk í heimsókn. Anna Rós og nemendur í 2. bekk nýttu þetta góða boð og skelltu sér í bæjarferð. Í heimsókninni sögðu íbúar frá leikjum sem þau léku sér í sem börn, nemendur fengu að skoða allskonar leikföng og spjalla við íbúa og notendur um leiki. Þau luku heimsókninni með söng og hressingu. Þetta var góð stund og eru myndir frá þessum viðburði inn á facebook síðunni Heilsuvernd hjúkrunarheimili. Þegar farið er í kaupstað er venjan að nýta ferðina og var því auk heimsóknarinnar farið í álfaleit í Lystigarðinum, en í Byrjendalæsisvinnu í skólanum er verið að vinna með Dísu ljósálf og álfaþema. Það var mjög gaman að ganga um garðinn í morgunrökkrinu. Fallegar seríur lýsa upp garðinn og gefa honum ævintýralegan blæ. Nemendur sáu að sjálfsögðu álfa á stangli.

Nemendur og starfsfólk Þelamerkurskóla óskar aðstandendum, sveitungum og samstarfsfólki öllu gleðilegra jóla og farsældar á nýju ári. Hjartans þakkir fyrir gott samstarf á árinu sem senn er á enda. Megi friður og hamingja umlykja ykkur öll.

Á litlu jólunum áttu nemendur og starfsfólk góðar stundir saman. Í skólanum héldu nemendur stofujól með kennurum sínum og í Möðruvallakirkju sungum við saman og nutum tónlistarflutnings frá hæfileikaríkum nemendum. Eftir að hafa snætt saman hátíðarmat við dekkað langborð var svo dansað í kringum jólatréð áður en nemendur héldu í jólafrí.

Á litlu jólunum áttu nemendur og starfsfólk góðar stundir saman. Í skólanum héldu nemendur stofujól með kennurum sínum og í Möðruvallakirkju sungum við saman og nutum tónlistarflutnings frá hæfileikaríkum nemendum. Eftir að hafa snætt saman hátíðarmat við dekkað langborð var svo dansað í kringum jólatréð áður en nemendur héldu í jólafrí.

Daginn fyrir litlu jólin fóru allir nemendur saman á skauta og skemmtu sér vel við diskóljós og jólatónlist. Eftir að hafa skautað í rúman klukkutíma og fengið sér hressingu, gekk svo hersingin sem leið lá í gegnum innbæinn og inn á ráðhústorg þar sem gengið var í kringum jólatréð og sungið við undirleik Jóns Þorsteins frá tónlistarskóla Eyjafjarðar.

Þriðjudaginn 12. desember var laufabrauðsdagurinn okkar en þá skáru nemendur út laufabrauð í matsalnum í fyrsta tíma.

Þann 5. desember sl. fagnaði Þelamerkurskóli 60 ára afmæli sínu með pompi og prakt. Nemendur höfðu undirbúið afmælisdaginn á fjölbreyttan hátt með þemaviku nokkru áður þar sem þau lærðu um skáldin úr heimabyggð, bjuggu til pappamassaverk skáldunum og myndverk af kirkjum sveitarinnar. Þau héldu úti fréttastofu, bjuggu til heimasíðu með fróðleik um sveitina, bökuðu mikið magn af bakkelsi til að bjóða afmælisgestum uppá, settu upp magnaða sögusýningu með allt að 60 ára gömlum minningum úr skólastarfinu, gáfu út veglegt skólablað, bjuggu til stuttmyndir úr þjóðsögum úr Hörgársveit og bjuggu til vegglistaverk sem táknar sveitina okkar.

Hér má sjá afrakstur stuttmyndagerðavinnu nemenda í þemaviku fyrir afmæli skólans.