26.03.2021
Þelamerkurskóli óskar öllum nemendum, foreldrum og starfsfólki gleðilegra páska. Njótum samveru með innsta hring, förum varlega og pössum upp á sóttvarnir.
Lesa meira
24.03.2021
Skjótt skipast veður í lofti og við erum enn og aftur minnt rækilega á æðruleysið góða. Eins og flestir hafa eflaust séð í fjölmiðlum nú þegar, verður skólinn, sem og allir grunnskólar landsins, lokaður frá og með deginum í dag. Nemendur eru því allir komnir í páskafrí.
Lesa meira
23.03.2021
Æðruleysið heldur áfram að vera okkar helsta dyggð í skólastarfinu og nú hafa borist þær fréttir úr Hlíðarfjalli að þar verði ekki opnað fyrr en seinnipartinn í dag.
Það verður því hvorki skíðaskóli né útivistardagur í dag.
Við höldum áfram í bjartsýnina og stefnum á skíðaskóla og útivistardag í vikunni eftir páskafrí.
Lesa meira
22.03.2021
Óheppnin heldur áfram að elta okkur og Hlíðarfjall er lokað í dag. Á morgun er fyrirhugaður útivistardagur fyrir allan skólann og sú fjallaferð hefst á skíðaskóla hjá 1.-4. bekk.
Lesa meira
16.03.2021
Fjallið er lokað enn sem komið er í dag vegna vinds og því verður ENGINN SKÍÐASKÓLI hjá 1.-4. bekk í dag.
Á morgun og á fimmtudag er mikil vindaspá í fjallinu og því hefur verið ákveðið að gera eftirfarandi breytingar:
Skíðaskóli sem átti að vera í dag FÆRIST TIL NK. MÁNUDAGS.
Útivistardagur sem átti að vera á morgun FÆRIST TIL NK. ÞRIÐJUDAGS.
Lesa meira
11.03.2021
Annar dagur skíðaskólans fellur niður í dag þar sem Hlíðarfjall er lokað vegna veðurs. Við stefnum ótrauð á að komast í skíðaskólann á mánudaginn.
Lesa meira
11.03.2021
Þegar við héldum að vorið væri að koma ákvað veturinn að minna á sig. Staðan núna um 7 leytið er eftirfarandi:
Bárulundur - Gilsbakki - Möðruvellir - Fornhagi - Þelamerkurskóli (græn leið) - Verið er að moka Dalvíkurveginn en það mun taka töluverðan tíma. Skólabíl mun af þeim sökum seinka nokkuð og stefnt er að því að hann leggi af stað klukkan 9.00. Ef seinkunin verður meiri en það, mun bílstjóri láta foreldra vita.
Engimýri - Myrkárbakki - Langahlíð - Þelamerkurskóli (um Þelamerkurveg) (blá leið) - Betra veður í Öxnadal og Siggi fer af stað á réttum tíma. Hann verður í sambandi við sitt fólk ef einhver seinkun verður.
Lónsbakki - Pétursborg - Eyrarvík - Moldhaugar - Þelamerkurskóli (gul leið) -- Heldur áætlun. Óvíst er með færð í Skottinu en ef bílstjóri sér fram á seinkun eða ófærð þar, mun hann hafa samband við foreldra.
Lesa meira
10.03.2021
Fyrsti dagur skíðaskólans fellur niður í dag þar sem Hlíðarfjall er lokað vegna veðurs. Við vonum það besta á morgun.
Lesa meira
10.03.2021
Þriðjudaginn 9. mars var Stóra upplestrarkeppnin haldin í Menntaskólanum á Akureyri. Stóra upplestrarkeppnin í 7. bekk er árlegt samvinnuverkefni flestra grunnskóla á landinu og Radda, samtaka um vandaðan upplestur. Í verkefninu fá allir nemendur í 7. bekk markvissa þjálfun í upplestri og framkomu. Skáld hátíðarinnar voru Kristján frá Djúpalæk og Bergrún Íris Sævarsdóttir.
Fulltrúar Þelamerkurskóla í ár voru Anna Lovísa Arnardóttir og Helena Arna Hjaltadóttir nemendur í 7. bekk. Þær stóðu sig mjög vel og við erum virkilega stolt af þeim. Anna Lovísa fékk önnur verðlaun fyrir sinn lestur. Þátttökuskólar að þessu sinni voru Dalvíkurskóli, Grunnskólinn Fjallabyggð, Hrafnagilsskóli, Grenivíkurskóli og Þelamerkurskóli.
Lesa meira
26.02.2021
Hið árlega þorrablót 1. - 6. bekkjar var haldið í skólanum í dag. Nemendur borðuðu þorramat og sungu þorrasöngva með undirleik Jóns Þorsteins tónmenntakennara. Eins og hefð er fyrir var skipulag dagsins í höndum 6. bekkjar og umsjónarkennara þeirra. Skemmtunin tókst mjög vel og allir nutu þess að borða þorramatinn.
Hér má sjá nokkrar myndir frá skemmtuninni.
Lesa meira
