Fréttir

Litlu jólin

Litlu jólin í Þelamerkurskóla voru haldin hátíðleg í hríðarbyl þann 20. desember. Allt gekk vel þrátt fyrir að veturinn minnti á sig og saman áttum við notalega stund bæði í skólanum og í Möðruvallakirkju. Nemendur lásu, sungu og spiluðu á hljóðfæri og eftir stofujól hjá umsjónarkennurum var nemendum þjónað til borðs er þau snæddu hátíðarmat í matsalnum. Dagurinn endaði á jólaballi þar sem tveir synir Grýlu bönkuðu óvænt uppá við mikinn fögnuð barnanna, sem sungu hástöfum með þeim við undirleik Guðlaugs Viktorssonar.
Lesa meira

Skautaferð, bæjarferð og jólabíó

Rétt fyrir jólafrí fórum við öll á skauta í skautahöllinni á Akureyri. Allir nemendur fóru á skauta og nutu samveru og skemmtunar með jólatónlist í græjunum. Að skautaferð lokinni gekk hersingin inn í miðbæ Akureyrar og átti notalega stund við jólatréð á Ráðhústorginu. Heima í skóla beið svo jólabíó, popp og djús.
Lesa meira

Skólavinir skera út laufabrauð

Hefð er fyrir því að skólavinir hjálpist að við að skera út laufabrauð sem snætt verður með hátíðarmat á litlu jólunum og á þorrablóti í janúar. Nemendur eru mjög færir við skurðinn og eldri skólavinir afar duglegir við að aðstoða og kenna þeim yngri. Ljúf og góð stund.
Lesa meira

Jólaljósa- og jólaföndurdagur

Þann 9. desember héldum við okkar yndislega árlega jólaljósadag í upphafi skóladagsins. Allir nemendur fara með friðarkerti upp í hlíðina fyrir ofan skólann og lýsa upp skammdegið. Að venju mætti Birgitta á Möðruvöllum með drónann sinn og afhenti okkur margar fallegar yfirlitsmyndir. Falleg og góð hefð. Eftir að hafa gengið í kringum jólatréð og sungið jólasöngva við undirleik Jóns Þorsteins, fengum við okkur kakó og kringlu í matsalnum. Þá tók við opinn jólaföndurdagur þar sem foreldrar og aðrir aðstandendur voru boðnir sérstaklega velkomnir til samveru í skólanum. Foreldrasamfélag Þelamerkurskóla er einstakt og sást það á gríðarlega góðri mætingu, en nánast öll heimili nemenda áttu fulltrúa á svæðinu. Börn og foreldrar nutu sín vel við jólaföndurgerð eins og sjá má á myndunum sem fylgja. Í lok dags bauðst svo öllum að borða saman dýrindis gúllassúpu.
Lesa meira

Áhugasviðsvinna í 7.-10. bekk

Í hverri viku vinna nemendur í 7.-10. bekk að áhugasviðsverkefnum sem þau velja sér eðli málsins samkvæmt sjálf. Þau vinna í nokkrar vikur að sama verkefni og halda ávallt kynningu á þeim í lokin. Á kynningunum má sjá mjög fjölbreytta framsetningu verkefna sem nemendur hafa skapað sjálfir. Jafnframt hafa kynningar falið í sér gestakomur í skólann og hafa hin ýmsu gæludýr til dæmis kíkt í heimsókn, nemendum til mikillar ánægju.
Lesa meira

Útiskóli haustönn 3.-6. bekkur

Nemendur 1.-6. bekkjar fara í útiskóla í hverri viku. Þar fer fram fjölbreytt nám sem tengist flestum námsgreinum. Á myndunum sem hér fylgja má sjá fjölbreytta vinnu nemenda í útískóla.
Lesa meira

Stöðvavinna í Byrjendalæsi hjá 1. og 2. bekk

Í Byrjendalæsinu vinna nemendur reglulega á fjölbreyttum stöðvum þar sem allir vinna að verkefnum við hæfi. Verkefnin reyna á ólíka þætti læsis og tengjast öll þeim gæðatexta sem unnið er með hverju sinni. Á myndunum sem fylgja þessari frétt má sjá nemendur í 1. og 2. bekk í fjölbreyttri stöðvavinnu þar sem mikið nám átti sér stað. Allir nemendur voru virkir í vinnu sinni þar sem var lesið, skrifað, hljóðgreint, talað saman og spilað.
Lesa meira

Jól í skókassa

Eins og hefð er fyrir í Þelamerkurskóla tóku nemendur þátt í verkefninu Jól í skókassa. Jól í skókassa er verkefni á vegum KFUM&KFUK sem gengur út á að fá fólk til að útbúa jólagjöf handa barni í Úkraínu, en þar glíma margir við sára fátækt, alltof mörg börn búa á munaðarleysingjaheimilum og búa þar við döpur kjör. Skólavinir pökkuðu saman inn jólapökkum og fylltu þá með fatnaði, snyrtivörum, ritföngum, leikföngum og nammi. Stemmingin var falleg og góð og nemendur unnu mjög vel saman.
Lesa meira

Starf skólaliða laust til umsóknar

Þelamerkurskóli óskar eftir barngóðri og metnaðarfullri manneskju í 80-100% starf skólaliða. Skólaliði hefur umsjón með og styður við nemendur í matsal, frímínútum, á göngum, skólalóð og frítímum auk þess sem hann sér um að halda skólahúsnæðinu hreinu. Í Þelamerkurskóla eru 76 nemendur og fer skólinn hratt stækkandi á næstu árum. Skólinn er heilsueflandi skóli og Grænfána skóli. Jafnframt leggur skólinn áherslu á útinám og fjölbreytileika í skólastarfi, nokkuð sem krefst sveigjanleika og þátttöku alls starfsfólks.
Lesa meira

Rithöfundaheimsókn

Í dag fengum við góða heimsókn í skólann þegar þau Arndís Þórarinsdóttir og Ævar Þór Benediktsson rithöfundar komu á vegum Skáld í skólum með stórskemmtilega bókmenntaumræðu fyrir nemendur í 3. - 10. bekk. Nemendur hlustuðu af athygli á fróðleik og vangaveltur um alls konar bækur, lestur og hvernig hugmyndir safnast saman og verða að bók. Rithöfundarnir söfnuðu auk þess upplýsingum frá nemendum um hvernig bækur eiga að vera til að krakkar vilji lesa þær. Krakkarnir voru að venju ötul við að tjá sig, spyrja spurninga og hafa skoðanir á gæðum barnabókmennta, enda flottur hópur lestrarhesta.
Lesa meira